काठमाडौं । सरकारी स्वामित्वमा रहेको राष्ट्रिय बीमा कम्पनीले कोरोना भाइरस (कोभिड–१९) नियन्त्रण तथा रोकथाम गर्नका लागि स्थापना गरेको केन्द्रिय कोष र प्रदेश सरकालाई सहयोग गर्ने भएको छ ।
कम्पनीकोे बिहिबार बसेको संचालक समितिको बैठकले कोरोना कोषमा १ करोड ६५ लाख सातवटै प्रदेशका लागि ५/५ लाखको दरले ३५ लाख रुपैयाँ गरि २ करोड रुपैयाँ सहयोग गर्ने घोषणा गरेको हो ।
कम्पनीले देशका तीन वटै सरकार संघीय सरकार, प्रदेश सरकार र स्थानीय सरकार कोरोना भाइरसका विरुद्धमा लडिरहेकोले संघीय सरकार र प्रदेश सरकारलाई सहयोग गर्ने निर्णय गरेको कम्पनीद्वारा आज जारी बिज्ञप्तिमा जनाइएको छ ।
