नेपाल पुँजीबजार लगानीकर्ता संघले उपत्यका बाहिरका विभिन्न जिल्लामा पनि शेयर सम्बन्धि तालिम दिदै आईरहेको छ । हालै सेयर बजार को शिक्षा दिने र लगानी कर्ताको सेयर बजारमा पहुँच पुर्याउने अभियानमा अन्तर्गत वुधवार मकवानपुरको हेटौंडामा प्रदेश नम्बर तिनका संयोजक गोकर्ण बहादुर कार्की को उपस्थिती एक दिने अन्तक्रिर्या कार्यक्रम सम्पन्न गरेको थियो ।
उक्त कार्यक्रममा लेक्चर देखि विद्यार्थी सम्म र गृहिणी देखि ब्यापारीसम्म को बाक्लो उपस्थित रहेको थियो भने कार्यक्रममा १५ बर्ष देखि सेयर बजारमा लागेका पुराना अनुभवी लगानीकर्त ादेखी भर्खरै नयाँ बजारमा प्रवेश गरेका लगानी कर्ताको उपस्थिती रहेको थियो । कार्यक्रममा उपस्थित लगानीकर्ताहरुले नेपाल पुँजी बजार लगानीकर्ता संघको बारेमा विशेष जिज्ञासा राखेका थिए । नेपाल पुँजी बजार लगानी कर्ता संघ र यस्को औचित्य र बिधान को बारेमा प्रदेश तीनका संयोजक गोकर्ण बहादुर कार्कीले स्पष्ट पार्नु भएको थियो । यसरी नेपाल पुँजी बजार लगानी कर्ता संघ जिल्ला जिल्लामा पुग्ने लक्ष्य राखेको छ , जुन निरन्तर रुपमा अघि बढीरहेको छ ।
