नेप्से परिसूचक साताको चौथौँ दिन १३ दशमलव ०६ अङ्कले बढेर १२३० दशमलव ७१ अङ्कमा बन्द भएको छ । कारोबार रकम ४३ करोड २९ लाख पुगेको छ ।
सबै भन्दा धेरै फाईनान्स क्षेत्रको शेयर मूल्यमा गिरावट आएको छ । फाईनान्स क्षेत्रको परिसूचक सबै भन्दा धेरै ० दशमलव ३६ प्रतिशतले घटेको छ । फाईनान्स, होटल, उत्पादनमूलक क्षेत्रको उपसुचक बाहेक अन्य क्षेत्रको उपसुचकमा वृद्धि आएको छ । सबै भन्दा धेरै निर्जीवन बीमा क्षेत्रको परिसुचकमा वृद्धि आएको छ । निर्जीवन बीमा क्षेत्रको परिसुचकमा १ दशमलव ९७ प्रतिशतले वृद्धि भएको हो ।
सबै भन्दा धेरै एनआईसि एसिया बैंकको ४ करोड ८९ लाख बराबरको शेयर किनबेच भयो ।
सबै भन्दा धेरै रिद्धि हाईड्रोपावर डेभलपमेन्ट कम्पनी लिमिटेडको सेयरमा ५ दशमलव २६ प्रतिशतको वृद्धि देखियो भने सबै भन्दा धेरै आईसिएफसि फाईनान्स लिमिटेडको शेयर ५ दशमलव ७८ प्रतिशतले घट्न पुग्यो ।निर्जीवन बीमा कम्पनीको उपसुचक १ दशमलव ९७ प्रतिशतले बढेकोे छ भने ५ हजार ८ सय ७४ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक ० दशमलव ०७ प्रतिशतले बढेर ५ हजार ५ सय ८३ को बिन्दुमा बन्द भएको छ ।
आज दिनभरिमा निर्जीवन बिमा कम्पनीहरूको २ करोड ५२ लाख बराबरको कारोबार भएको छ , भने जीवन बीमा कम्पनीहरूको ८ लाख १६ हजार बराबरको कारोबार भएको छ ।
निर्जीवन बीमा र जीवन बीमाको उपसुचकमा वृद्धि आएको छ ।
