समता माइक्रोफाइनान्स वित्तीय संस्थाले गत वर्षको कमाईबाट २१.०५% लाभांश दिने भएको छ । कम्पनीको आइतबाार बसेको सञ्चालक समिति बैठकले हाल कायम पुँजीबाट १०% बोनस र ११.०५% नगद लाभांश वितरण गर्ने निर्णय गरेको हो ।
कम्पनीले प्रस्ताव गरेको लाभांश राष्ट्र बैंकको स्वीकृति पश्चात आगामी साधारण सभाले पारित गरेपछि मात्र लगानीकर्तालाई वितरण हुनेछ ।
अघिल्लो वर्ष समताले २०% बोनस सेयर र ११.५८% गरी कुल ३१.५८% लाभांश वितरण गरेको थियो ।
हाल यस कम्पनीको चुक्ता पुँजी ३ करोड ७९ लाख २० हजार रुपैयाँ छ । बोनसपछि कम्पनीको चुक्ता पूँजी चार करोड १७ लाख नाघ्नेछ ।
