चितवन । राष्ट्रिय बीमा संस्थानको शाखा कार्यालय, नारायणगढले नवलपुर जिल्लाको कावासोतीमा जीवन बीमा अभिकर्ताहरुको लागि आधारभूत तालिम दिएको छ । उक्त तालिम दुई दिनसम्म संचालन भएको संस्थाले जनाएको छ ।
संस्थानका नारायणगढ शाखाका प्रमुख उषा सापकोटाको संयोजकत्वमा सञ्चालित उक्त तालिम कार्यक्रममा शाखा प्रमुख स्वयम्, शाखा कार्यालय हेटौंडाका प्रमुख केशव बजगाईं लगायतका प्रशिक्षकहरुले तालिम दिएका थिए ।
उक्त तालिममा सहभागीहरुले जीवन बीमाको सिद्धान्त, असल अभिकर्तामा हुनुपर्ने गुणहरु, जीवन बीमा फाराम भर्ने तरिका, बीमा शुल्क गणना, बीमा अण्डरराइटिंग, दाबी भुक्तानी आदि विषयमा जानकारी हासिल गरेका थिए ।
