काठमाडौं । युनाइटेड इन्स्योरेन्सको विक्री हुन नसकी लिलामीमा ल्याएको शेयरमा आवेदन दिने आज अन्तिम दिन रहेको छ । कम्पनीले पुष ३ गतेबाट १ लाख ५७ हजार ६४९.६० कित्ता सेयर लिलामी बिक्री खुला गरेको थियो ।
कम्पनीले लिलामीमा ल्याएको उक्त शेयरमा आज पुस १० गतेसम्म आवेदन दिन पाइनेछ ।
एनएमबि क्यापिटल, नागपोखरी काठमाडौंबाट आवेदन दिन सकिनेछ । त्यसैगरी, एनएमबि बैंकको झापा, जनकपुर, चितवन, बाग्लुङ, घोराही, सुर्खेत र महेनद्रनगरबाट पनि आवेदन दिन सकिनेछ ।
एनएमबिकै विराटनगर, वीरगञ्ज, हेटौडा, पोखरा, बुटवल, नेपालगञ्ज र धनगढी शाखाबाट पनि लिलामी सेयरमा आवेदन दिन पाइने जनाएको छ ।