काठमाडौं । नेपाल बंगलादेश (एनबी) बैंकले अनाथालयलाई सहयोग गरेको छ । बैंकले विश्व बाल दिवसको अवसरमा अनाथलयलाई ब्ल्यांकेट वितरण गरेको हो ।
ललितपुर महानगरपालिका–२३ हात्तीवनस्थित नवकिरण अनाथ, असहाय बाल उत्थान समाजलाई बुधवार बैंकले ३१ ओटा ब्ल्यांकेट वितरण गरेको जनाइएको छ ।
अनाथालयमा रहेका अनाथ तथा असहाय बालबालिकालाई जाडोको समयमा अध्ययन र बसोवासका लागि सहज होस् भनी ब्ल्यांकेट वितरण गरिएको बैंकले जानकारी दिएको छ ।
