विराटनगर । राष्ट्रिय बीमा संस्थानले अभिकर्ताहरुलाई तालिम दिएको छ । संस्थानले कात्तिक २१ गतेदेखि २३ गतेसम्म ३ दिने जीवन बीमा अभिकर्ताको आधारभुत तालिम दिएको जनाएको छ ।
उक्त तीन दिने तालिममा ३३ जना अभिकर्ताहरु सहभागी रहेको कम्पनीले जनाएको छ । तालिममा अभिकर्ताहरुले बीमा भनेको के हो, बीमाको महत्व किन छ, बीमाका सिद्धान्तहरु र बीमाको प्रकारको बारेमा जानकारी लिएका थिए ।
त्यस्तै, बीमा सम्बिन्धी हाल नेपालमा लागु भएका ऐन, नियमावली तथा बिनियमहरुका साथै, राष्ट्रिय बीमा संस्थानमा प्रचलित बीमालेखहरु, संस्थामा कार्यरत अभिकर्ताहरुको सेवा सुविधाहरु लगायत बीमा बजारीकरण र अभिकर्ताको व्यवसाय बृद्धिका तरिकाका बारेमा अभिकर्ताहरुलाई प्रशिक्षण दिएको कम्पनीले जनाएको छ ।
कार्यक्रममा संस्थानका प्रशासक कवि प्रसाद पाठकले आफ्नो कम्पनीको भावी कार्यदिशाको बारेमा सहभागीहरुलाई जानकारी दिए ।
अभिकर्ताहरुको प्रशिक्षणमा आक्रमक रुपमा अधि बढदै आएको संस्थानले कात्तिक आज कात्तिक २४ गतेदेखि २६ गतेसम्म विर्तामोडमा अभिकर्ताहरुलाई जीवन बीमाको आधारभुत तालिम संचालन गर्ने जनाएको छ ।
