काठमाडौँ । ज्योति लाइफ इन्स्योरेन्स कम्पनी लिमिटेडले मृत्यु दावी रकम भुक्तानी गरेको छ । कम्पनीले सप्तरी सुरुङ्गा नगरपालिका १, हनुमान चौकका मृतक बीमित राम दयाल महतोको परिवारलाई १० लाख २७ हजार ५ सय रुपैयाँ भुक्तानी गरेको हो ।
उक्त रकम ज्योती लाईफ इन्स्योरेन्सका इटहरी शाखाका प्रबन्धक सिमा बस्नेत, एजेन्सी म्यानेजर पार्वती गच्छदार र अभिकर्ता कल्पना हजारीले मृतक बीमित परिवारको घरमै पुगि हकवाला मृतकका आमा जानकी देवि महतोलाई चेक हस्तान्तरण गरेका हुन ।
कम्पनीले दिएको जानकारी अनुसार अभिकर्ता कल्पना हजारीमार्फत ज्योती लाइफ इन्स्योरेन्स इटहरी शाखाबाट मृतक बीमित दयालले गत जेष्ठ २४ गते ५ लाख रुपैयाँको ज्योती सुरक्षित बचत जीवन बीमा गरेका थिए । मृतक बीमितले पहिलो किस्ता बापत २७ हजार ६ सय २० रुपैयाँ बुझाएका थिए । मृतक बीमितको दुर्घटनामा परि मृत्यु भएको थियो ।
