IME Life New

सन नेपाल लाइफद्वारा व्यतित बीमालेख पुनर्जागरणमा ७५ % सम्म विलम्ब शुल्क छुट

SPIL
Nepal Life

समाचार सुन्नुहोस्

काठमाडौं। सन नेपाल लाइफ इन्स्योरेन्स कम्पनी लिमिटेडले आफ्ना बीमितहरूलाई व्यतित बीमालेख पुनर्जागरण गर्न प्रोत्साहन गर्ने उद्देश्यले विलम्ब शुल्कमा ७५ प्रतिशतसम्म छुट दिने विशेष योजना सार्वजनिक गरेको छ।

कम्पनीले २०८३ मंसिर २१ गतेसम्म सञ्चालन गर्ने यस अभियान अन्तर्गत तोकिएको अवधिभित्र व्यतित बीमालेख पुनर्जागरण गर्ने बीमितहरूलाई विलम्ब शुल्क (ब्याज) मा छुट प्रदान गर्ने भएको हो।

Esewa
Crest

कम्पनीका अनुसार व्यतित मितिबाट दुई वर्ष ननाघेका बीमालेखहरू पुनर्जागरण गर्दा लाग्ने विलम्ब शुल्कमा ७५ प्रतिशत छुट प्रदान गरिनेछ। त्यसैगरी, व्यतित मितिबाट दुई वर्ष नाघेका तर चार वर्ष ननाघेका बीमालेखहरू पुनर्जागरण गर्दा विलम्ब शुल्कमा २५ प्रतिशत छुट उपलब्ध गराइनेछ।

उक्त छुट सुविधा सम्पूर्ण बीमा अवधिभर एक पटक मात्र प्रदान गरिने कम्पनीले जनाएको छ। साथै, यस सुविधाअन्तर्गत पुनर्जागरण गरिएको बीमालेख पछि बीमा अवधिभित्र कुनै पनि समयमा समर्पण गरिएमा छुट दिइएको सम्पूर्ण विलम्ब शुल्क समर्पण मूल्यबाट कट्टा गरिनेछ।

विभिन्न कारणले व्यतित अवस्थामा रहेका बीमालेखहरूलाई पुनः सक्रिय गराई बीमित तथा उनीहरूको परिवारको आर्थिक सुरक्षालाई निरन्तरता दिनु यस अभियानको मुख्य उद्देश्य रहेको छ। यस अभियानले बीमितहरूलाई आफ्नो बीमालेख पुनर्जागरण गर्न प्रोत्साहन गर्नुका साथै जीवन बीमाको महत्त्व र आवश्यकताबारे थप सचेतना अभिवृद्धि गर्न सहयोग पुग्ने कम्पनीले विश्वास लिएको छ।

कम्पनीले योग्य बीमितहरूलाई अभियान अवधिभित्र आफ्नो व्यतित बीमालेख पुनर्जागरण गरी उपलब्ध छुट सुविधाको लाभ लिन आग्रह गरेको छ। यस सम्बन्धमा थप जानकारीका लागि कम्पनीको नजिकको शाखा तथा उपशाखामा सम्पर्क गर्न सकिनेछ। साथै, कम्पनीको सम्पर्क नम्बर ९८०१२३४४४४, टेलिफोन नम्बर ०१-४५३६१२६, इमेल [email protected] तथा वेबसाइट www.sunlife.com.np मार्फत पनि जानकारी प्राप्त गर्न सकिनेछ।

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%
happy

खुसी

0%
sad

दु :खी

0%
amazed

अचम्मित

0%
excited

उत्साहित

0%
angry

आक्रोशित

LICn

सम्बन्धित समाचार

Insurance Khabar Mobile App Android and IOS