काठमाडौं । सनराइज बैंक र नेपाल बैंकिङ्ग इन्स्टिच्युटबीच सम्झौता धएको छ । यी दुई संस्थाबीच तालिम तथा सिप विकाससम्बन्धी सम्झौता भएको हो ।
सम्झौतापत्रमा बैंकका प्रमुख कार्यकारी अधिकृत जनक शर्मा पौड्याल र एनबिआईका प्रमुख कार्यकारी अधिकृत सन्जिव सुब्बाले हस्ताक्षर गरेका छन् ।
सम्झौता पछि नेपाल बैंकिङ्ग इन्स्टिच्युटले सनराइज बैंकका कर्मचारीहरुलाई व्यक्तित्व तथा सिप विकासको प्रशिक्षणमा सहभागी हुने अवसर प्रदान गर्नेछ ।
वार्षिक ५० लाख बराबरको प्रशिक्षण गराइने उक्त सम्झौता यस आर्थिक वर्षको पहिलो सम्झौता रहेको नेपाल बैंकिङ्ग इन्स्टिच्युटका प्रमुख कार्यकारी अधिकृत सुब्बाले बताए ।
