एनएमबि क्यापिटल अन्तर्गत सञ्चालित एनएमबि ५० ले साउन १३ गतेदेखि १ अर्ब २० करोड रुपैयाँ बराबरको १२ करोड ईकाई निष्काशनमा ल्याएको छ ।
एनएमबि म्युचुअल फण्ड अन्तर्गत बिक्री खुल्ला भएको “एनएमबि ५०” ले शेयर बजारका ५० वटा उत्कृष्ट कम्पनीका शेयरमा लगानी गरी इकाईधनीलाई दोस्रो वर्षदेखि लाभांश वितरण गर्ने जनाएको छ ।
प्रति ईकाई १० रुपैयाँका अंकित दरका १२ करोड ईकाईमध्ये बिज पुँजी वापत १४ प्रतिशत कोष प्रवद्र्धक एनएमबि बैंक र १५ योजना व्यवस्थापक एनएमबि क्यापिटललाई छुट्याइएको छ भने बाँकी १० करोड २० लाख इकाई सर्वसाधारणका लागि बिक्री खुला गरिएको हो ।
यस फण्डमा लगानीकर्ताले न्यूनतम १०० ईकाईदेखि एक करोड २० लाख ईकाईसम्म आवेदन गर्न सक्नेछन् । इकाईको बिक्री छिटोमा साउन १६ गते र ढिलोमा भदौ १० गतेभित्र निकाष्शन बन्द हुनेछ ।
इच्छुक लगानीकर्ताले धितोपत्र बोर्डबाट आश्वा अनुमति प्राप्त बैंक तथा तिनको शाखा कार्यालय र मेरो शेयरबाट इकाईमा आवेदन दिन सक्नेछन्।
एनएमबि सुलभ इन्भेष्टमेन्ट फण्ड –१ का इकाईधनीहरुलाई चार आर्थिक वर्षदेखि लाभांश वितरण गर्दै आइरहेको छ। आर्थिक वर्ष २०७५/७६ को मुनाफाबाट कर सहित १५ प्रतिशतका दरले योजनाको प्रतिफल वितरण गर्ने निर्णय गरेको छ ।
