एनएमबि बैंकको विषेश साधारण सभा साउन २८ गते हुने भएको छ । एनएमबि बैंकले ओम डेभलपमेन्ट बैंकलाई गाभ्न–गाभिने प्रस्ताव अनुमोदन गर्न साउन २८ मा विशेष साधारण सभा गर्ने भएको हो । सभा नेपाल प्रशासनिक प्रशिक्षण प्रतिष्ठानको हल (स्टाफ कलेज) जावलाखेलमा बिहान १० बजे सुरु हुनेछ ।
सभामा गाभ्ने–गाभिने सम्बन्धमा सञ्चालक समितिले गरेका निर्णयहरु अनुमोदन गरिनेछ ।
मर्जरका लागि नियामक निकाय नेपाल राष्ट्र बैंकले असार ८ गते सैद्धान्तिक सहमति दिएको थियो । सोही अनुरुप दुवै बैंकले सभा डाकेका हुन् । ओमले साउन २७ मा विशेष साधारण सभा बोलाइसकेको छ ।
सभामा एनएमबि र ओम मर्जपछि अधिकृत, जारी तथा चुक्ता पुँजी वृद्धि हुने भएकाले प्रबन्धपत्र संशोधन गर्ने जिम्मा सञ्चालक समितिलाई दिने एजेन्डा पनि छ । लेखा परीक्षकको नियुक्ति र पारिश्रमिक अनुमोदन गर्ने लगायतका एजेण्डा रहेको छ ।
