नेशनल माइक्रोफाइनान्सले आर्थिक वर्ष २०७५ /७६ को चौथो त्रैमासको वित्तीय विवरण सार्वजनिक गरेको छ । कम्पनीले खुद नाफा ५३ प्रतिशतले बृद्धि गर्न सफल भएको छ । कम्पनीले चौथो त्रैमाससम्ममा १३ करोड १४ लाख नाफा कमाउन सफल भएको छ ।
कम्पनीको प्रति शेयर आम्दानी ८७ रुपैयाँ १२ पैसा रहेको छ । आर्थिक वर्ष २०७४ /७५ मा कम्पनीको प्रति शेयर आम्दानी ५६ रुपैयाँ ८४ पैसा रहेको थियो ।
कम्पनीले खुद व्याज आम्दानीमा ५५ प्रतिशतले बृद्धि गरी २६ करोड ६४ लाख रुपैयाँ कमाउन सफल भएको छ ।
कम्पनीले जगेडा कोषमा ९६ प्रतिशतले बृद्धि गरी २४ करोड १२ लाख रुपैयाँ सञ्चिती रहेको छ भने अघिल्लो आर्थिक वर्षको सोही अवधिमा लघुवित्तले १२ करोड २८ लाख रुपैयाँ मात्र जगेडा कोषमा सञ्चिती गरेको थियो ।
लघुवित्तले आर्थिक वर्ष २०७५ /७६ को चौथो त्रैमासमा १ अर्ब २८ करोडरुपैयाँ निक्षेप संकलन गरी ३ अर्ब ६६ करोड रुपैयाँ कर्जा प्रवाह गरेको छ । यस अवधिसम्म लघुवित्तको निक्षेप ७२ प्रतिशतले बढेको हो भने कर्जा प्रवाह ५४ प्रतिशतले बढेको हो । कम्पनीले चौथो त्रैमासमा २ अर्ब २८ करोड रुपैयाँ सापटी लिएको छ ।
कम्पनीको खराब कर्जा १ दशमलव ४३ प्रतिशत रहेको छ । किताबी मुल्य २ सय ६९ पैसा ८६ रुपैयाँ रहेको छ ।
