कामना सेवा विकास बैंक लिमिटेडले एकैसाथ २ नयाँ शाखा विस्तार गरेको छ । बैंकले आफ्नो सेवा विस्तार गर्ने क्रममा प्रदेश नं. ४अन्तर्गत म्याग्दी जिल्लाको बेनी नगरपालिका वडा न. ८, बेनी बजार र नवलपरासी जिल्ला(बर्दघाट सुस्तापूर्व)गैंडाकोट नगरपालिका वडा नं. ४, बेल्डिहामा गरी एकैसाथ २ वटा शाखा विस्तार गरी संचालनमा ल्याएको हो ।
बेनी शाखाको कारोबार शुभारम्भ बेनी नगरपालिकाका मेयर हरि कुमार श्रेष्ठ र बैंकका सञ्चाल कचतुराखर अधिकारीले संयुक्त रुपमा गरे । कारोबार शुभारम्भ समारोहमा वडा नं. ८ का वडा अध्यक्ष रामकृष्ण बराली, म्याग्दी उद्योग वाणिज्य संघका अध्यक्ष उत्तम कुमार कर्मचार्य र बंैकका प्रदेश नं. ४ का प्रमुख टुबराज वास्तोला लगायतको उपस्थिति रहेको थियो ।
त्यसैगरी गैंडाकोट बेल्डिहा शाखाको उद्घाटन सोही नगरपालिकाका मेयर क्षेत्रराज पौडेल र बैंकका सञ्चालक भीम प्रसाद तुलाचनले संयुक्त रुपमा गरे ।
हालसम्म बैंकले ९६ वटा शाखा कार्यालय तथा ४५ वटा एटिएम मार्फत आफना ग्राहकहरुलाई बैंकिङ सेवा प्रदान गर्दै आएको छ । साथै, समय सापेक्ष आफ्ना सेवाहरु थप गर्दै जाने बैंकको योजना रहेको छ ।
