काठमाडौं । बाली तथा पशुपक्षी बीमा कार्यक्रम पछिल्लो पटक निकै प्रभावकारी बन्दै गएको छ । विगतमा वर्षहरुमा न्यून हुने कृषि बीमा शुल्क गत आवको १० महिनामा उल्लेख्य रुपमा संकलन भएको छ । सरकारले विशेष जोड दिएको यो बीमामा सरकारले किसानले तिर्नु बीमा प्रिमियम बापतको ७५ प्रतिशत रकम सरकारले तिर्ने भएपछि कृषकहरुका त्यसतर्फ आकर्षण बढेको हो ।
पशु धनीहरुले आफ्नो पशुहरुमा हुन सक्ने जोखिमवाट सुरक्षित रहन गरिने बीमा नै पशु बीमा हो । सरकारले कृषकहरुलाई कृषि तथा पशुपालन व्यवसायमा उन्नत प्रविधि अपनाउन, लगानी बढाउन, आफ्नो व्यसायलाई विस्तार गर्न, लगानीको सुरक्षित र जोखिम कम गर्नेको लागि निर्जीवन बीमा कम्पनीहरुले कृषि बीमा अन्र्तगत पशु बीमा योजनाहरू संचालनमा ल्याएसंगै पछिल्लो समयमा प्रभावकारी बन्दै गएको हो ।
समितिको तथ्याङक अनुसार श्रावण देखि बैशाख मसान्तसम्म कृषि बीमा अन्तर्गत बाली मार्फत ७५ करोड २२ लाख ९ हजार रुपैयाँ बराबरको बीमाङ्क संकलन गरेको छ ।समितिको बैशाख मसान्तसम्मको तथ्याङ्क अनुसार पशुपन्छी बीमातर्फ करिव १५ अर्व ५३ करोड ५५ लाख भन्दा बढि बीमांक रकम संकलन गरेको छ ।
बाली बीमा
बाली बीमा अन्तर्गत श्रावणदेखि बैशाख मसान्तसम्मको कुल ७५ करोड २२ लाख ९ रुपैयाँ बराबरको बीमांक रकम संकलन भएको छ । सोही अवधिमा कुल ३ करोड ५७ लाख ८७ हजार रुपैयाँ बराबरको बीमा शुल्क आर्जन भएको छ । बीमा समितिको तथ्याङ्कमा उल्लेख छ ,भने २ करोड ६८ लाख ४० हजार ५५ सय ६ रुपैयाँ अनुदान दिइएको छ ।
पशुपन्छी बीमा
बाली बीमा अन्तर्गत श्रावणदेखि बैशाख मसान्तसम्मको कुल १५ अर्ब ५३ करोड ५५ लाख ४९ हजार रुपैयाँ बराबरको बीमांक रकम संकलन भएको छ । सोही अवधिमा कुल ६९ करोड ४३ लाख ३१ हजार रुपैयाँ बराबरको बीमाशुल्क आर्जन भएको बीमा समितिको तथ्याङ्कमा उल्लेख छ ,भने ५२ करोड ७ लाख ३१ हजार ७५ सय ७ रुपैयाँ अनुदान दिइएको छ ।
