ग्लोबल आइएमई बैंक र हाथवे फाइनान्सले साउन १४ गते एकैदिन विशेष साधारण सभा गर्ने भएका छन् । ग्लोबलले हाथवे फाइनान्सलाई प्राप्ती गर्ने मुख्य प्रस्ताव पारित गर्न दुवैले सभा एकै दिन बोलाएका हुन् ।
साथै, सभाले सम्पति तथा दायित्व मूल्यांकन प्रतिवेदन (डीडीए) का आधारमा तय भएको सेयर स्वाप रेसियो पनि पारित प्रस्ताव छ ।
ग्लोबल आइएमईले विशेष साधारण सभा साउन १४ गते बिहान १० बजे नेपाल प्रज्ञा प्रतिष्ठान, कमलादी काठमाडौंमा बोलाएको छ । त्यस्तै, सोही समयमा हाथवे फाइनान्सले होटल द रत्न इन, धरानमा विशेष साधारण सभा बोलाएको छ ।
दुई कम्पनीले फागुन ३० गते सहमतिपत्रमा हस्ताक्षर भएको थियो ।
