स्वावलम्बन लघुवित्त वित्तीय संस्थाले मर्जर समिति गठन गरेको छ । कम्पनीको सोमबार बसेको सञ्चालक समिति बैठकले सो समिति गठन गरेको हो । नेपाल राष्ट्र बैंकको मर्जर निजतीलाई अवलम्बन गर्दे स्वावलम्बनसँग अन्य लघुवित्त संस्था गाभ्ने तथा प्राप्ति गर्ने कार्यका लागि सञ्चालक सतिश कुमार श्रेष्ठको संयोजकत्वमा ४ जनाको मर्जर समिति गठन गरेको हो ।
मर्जर समितिमा सञ्चालकहरु राम प्रसाद पाण्डे र भाष्कर नरसिंह जोशी सदस्य रहेका छन् । यस्तै, प्रमुख कार्यकारी अधिकृत भोजराज बस्याल सदस्य सचिव रहेका छन् । यो समितिले मर्जर तथा एक्विजिसनका लागि आवश्यक गृहकार्य गर्ने कम्पनीले जनाएको छ ।
