नेपाल स्रोत र साधनले भरिपूर्ण भएको देश हो । तर बिडम्बना उक्त स्रोत ,साधनलाई सहि रुपमा परिचालन गर्न नसक्दा बेरोजगारी दिन प्रति बढ्दै गएको छ ।
नेपालको वर्तमान परिप्रेक्षलाई हेर्ने हो भने अझै पनि ११.४ प्रतिशत जनताहरु बेरोजगार छन् ।
नेपाली श्रम बजारमा वर्षेनि काम गर्न सक्ने ५ लाख जनशक्ति भित्रिन्छन् । तर ५० हजारलाई मात्रै रोजगारीको दायरामा समेट्न सक्ने क्षमता नेपाली श्रम बजारमा रहेको छ । जसको फलस्वरुप हजारौँ यूवाहरु रोजगारीको लागि अन्य मुलुकहरुमा गईरहेको तितो यर्थाथ नकार्न सकिदैन् ।
हाम्रो देशमा योग्यता र क्षमताको कदर विरलै मात्रमा भएको देखिन्छ । जस्तो कि रोजगारीको लागि नातवाद र कृपावाद हाबी भएको छ । आज पनि आफ्नो योग्यता र क्षमताले भन्दा भनि कुनै आफ्न्तको सिफारिसले जागिर पाउने कुरा चलन चल्तिमा रहँदै आएको छ ।
तर नेपालमा बढ्दै भएको बीमा व्यसाय प्रति आममानिसहरुको आकर्षण देखिँदैन् । अभिकर्ता पेशाले स्वरोजगार सृजना गर्दछ । बीमा अभिकर्ता बनेर पनि राम्रो कमाई गर्न सकिन्छ । एस.एल.सी पास गरेका जो कोही पनि यो पेशामा आवद्ध हुन सक्नेछन् ।
यस पेशामा नातवाद र कृपावाद लागु हुदैँन् । नत कसैको सिफासि नै । यस पेशालाई स्वतन्त्र पेशाको रुपमा हेरिन्छ । आफ्नो क्षमता र लगनशिलताका साथ लागि पर्ने जो कोही पनि यस पेशामा आवद्ध हुन सक्नेछन् ।
अभिकर्ता भएर नाम, दाम कमाउन सफल व्यक्तिहरु पनि बीमा बजारमा देख्न सकिन्छ ।
बीमा अभिकर्ता बीमा व्यवसायका धरोहर हुन् । कम्पनीको तर्फबाट तलबी कर्मचारीको रुपमा नभई निश्चित कमिसनका आधारमा बीमकको तर्फबाट बीमित समक्ष गई बीमा प्रवर्दन कार्य गर्ने व्यक्तिलाई बीमा अभिकर्ता भनिन्छ ।
बीमा अभिकर्ताको न्युनतम शैक्षिक योग्यता एस.एल.सी वा सो सरहको उतीर्ण गरेको हुनुपर्दछ । बीमित र बीमककाबीचमा मध्यस्तकर्ताका रुपमा रही काम गर्ने व्यक्ति नै बीमा अभिकर्ता हो ।
बीमा अभिकर्ता बन्नका लागि शैक्षिक योग्यता एसएलसी भए पुग्ने
बीमा अभिकर्ता बन्नका लागि न्यूनतम शैक्षिक योग्यता एसएलसी वा सो सरहको पढाई उत्तिर्ण गरेको हुनुपर्छ । योग्यता पुगेका जो कोहिले पनि अभिकर्ता बन्न सक्नेछन् ।
अभिकर्ता बन्नका लागि तालिम
बीमा अभिकर्ता बन्नका लागि बीमा सम्बन्धि आवश्यक तालिम प्राप्त व्यक्तिको आवश्यक पर्दछ । यस्तो तालिम बीमा समिति वा सम्बन्धित बीमकले सञ्चालन गर्दछन् । तालिम पश्चात बीमा अभिकर्ताको इजाजतपत्रको लागि बीमा समितिले तोकेको ढाँचामा निवेदन दिनुपर्दछ ।
अभिकर्ताका कार्य केके छन्
बीमा अभिकर्ताको इजाजतपत्र पाए पछि अभिकर्ताले आफनो काम र कर्तव्यको परिधि भित्र रही काम गर्नु पर्ने हुन्छ । अभिकर्ता भनेको बीमा कम्पनिको प्रतिनिधि हो ।
बीमा कम्पनिको प्रतिनिधिको रुपमा बीमा गराउन चाहने व्यक्तिको सम्पर्कमा पुग्ने, बीमितलाई बीमा प्रस्ताव फारम भराउन सहयोग गर्ने, बीमितलाई बीमा सम्बन्धि आवश्यक परामर्श दिने बीमा दाबी भुक्तानिको समयमा बीमित वा बीमितको परिवारलाई आवश्यक सहयोग गर्ने जस्ता कार्यहरु बीमा अभिकर्ताले गर्नु पर्ने हुन्छ ।
बीमा क्षेत्रलाई अगाडि बढाउने देखि लिएर बीमा ज्ञान फैलाउने काम पनि अभिकर्ताकै हुन्छ । निश्चित सीमा र परिधिमा साथै कम्पनिको नीतिमा रही अभिकर्ताले काम गर्नु पर्छ ।
असल बीमा अभिकर्ता कै योगदानले गर्दा बीमा व्यवसाय अगाडि बढ्दछ । त्यसैले असल बीमा अभिकर्ताको खाँचो बीमा क्षेत्रमा खड्किदो छ । अभिकर्ता बीमा कम्पनिको ग्राहक वृद्धि गर्ने एक मूख्य माध्यम हो । बीमा कम्पनिहरुलाई मानिसको पहुँचमा पुर्याउने र बीमा बजारमा साथै सर्वसाधरणमा बीमा कम्पनिको नीतिहरु पुर्याउन बीमा अभिकर्ताको महत्वपूर्ण भूमिका रहेको हुन्छ ।
