कर्पोरेट डेभलपमेन्ट बैंकले असार २७ गते शुक्रबार साधारण सभा गर्ने भएको छ । जेठ ३१ गते बसेको संचालक समितिको बैंठकको निर्णयअनुसार उक्त साधारण सभाको मिति तय गरेको हो । उक्त साधारणसभा बैंकको शाखा कार्यलय घण्टाघर विरगञ्ज पर्सामा । बिहान ७ः१५ बजे हुनेभएको छ ।
सभामा २०७४/७५ को वार्षिक प्रतिवेदनमा छलफल गर्ने, नाफा नोक्सानको हिसाब गरी पारित गर्ने लगायतका एजेन्डा रहेका छन् । यस्तै, लेखापरीक्षक नियुक्त गरी निजको पारिश्रमिक तोक्ने एजेन्डा पनि छ ।
यसैगरी, कर्पोरेटसँग उपयुक्त संस्था गाभ्ने–गाभिने सम्बन्धी कार्य गर्न सञ्चालक समितिलाई पूर्ण अख्तियारी दिने प्रस्ताव पनि अघि सार्नेछ । असार ३ गतेसम्म कायम रहने सेयरधनीले मात्र सभामा भाग लिन पाउनेछन् ।
