शिखर इन्स्योरेन्स कम्पनीले २०७४/७५ मा लाभांश घोषणा नगर्ने जानकारी नेप्सेमा दिएको थियो । नेपाल फाइनान्सियल रिपोर्टिङ स्टान्डर्ड अन्तर्गतको वित्तीय विवरण तयार गर्दा जगेडा तथा व्यवस्थाहरु कामय गर्नुपर्ने भएकाले बोनश शेयर तथा नगद लाभांश प्रस्ताव नगर्ने भएको हो ।
कम्पनीले शेयरधनीलाई लाभांश नदिने घोषणा गरेसँगै शिखर इन्स्योरेन्सको आजको शेयर मुल्य घटेको छ । कम्पनीको यस्तो घोषणाले शेयर बजारमा प्रभाव परी शेयर मुल्य घटेको हो ।
साताको अन्तिम दिन शिखर इन्स्योरेन्सको ८ सय ६ रुपैयाँमा कारोबार भएको शेयर मुल्य आज नेप्सेमा कारोबार शुरु हुनेवित्तिकै उक्त शेयर मुल्य घटेर ७ सय ४५ रुपैयाँसम्ममा कारोबार भएको देखिएको छ ।
