देवः विकास बैंकको ५ दशमलव ५ प्रतिशत बोनस शेयर सुरक्षित गर्ने बिहीबार आज (असार ५ गते) अन्तिम दिन हो । बैंकले ५ दशमलव ५ प्रतिशत बोनस शेयरका लागि शुक्रबार (असार ६ गते ) देखि असार १२ गतेसम्म बुक क्लोज गर्दैछ । यसर्थ, असार ५ गते बिहीबारसम्म कायम सेयरधनीले मात्र बोनस सुरक्षित गर्न सक्नेछन् । बैंकले बोनस शेयर सहितका अन्य प्रस्ताव पारित गर्न असार १२ गते साधारण सभा बोलाएको छ । उक्त सभा नेपाल पुलिस क्लब, भृकुटीमण्डप काठमाडौंमा बिहान ११ बजे हुनेछ ।
सभामा बैंकले वेष्टर्न डेभलपमेन्ट बैंकलाई एक्वायर गर्ने एजेन्डा पनि राखिएको छ । देवः विकास बैंकले १ः१ सेयर स्वाप रेसियोमा वेष्टर्नलाई एक्वायर गर्न लागेको हो । बैंकले एक्विजिसन प्रक्रियामा नियामक निकायले दिएको निर्देशन बमोजिम काम गर्ने सम्पूर्ण अख्तियारी सञ्चालक समितिलाई दिने प्रस्ताव पनि सभामा लैजानेछ ।
यता, वेष्टर्नले पनि असार १२ गते नै वार्षिक साधारण सभा गर्दैछ । सभाबाट एक्विजिसन सम्बन्धी प्रस्ताव र १ः१ सेयर स्वाप रेसियो पारित गर्ने एजेन्डा छ ।
