मानुषी लघुवित्त वित्तीय संस्था लिमिटेडले असार २० गते विशेष साधारण सभा गर्ने भएको छ । कम्पनीको जेठ २६ गतेको निर्णय अनुसार बनेपा १३ भैंसेपाटीमा बिहान ११ बजे साधारण सभा हुने भएको हो ।
साधारण सभामा संस्थाको अधिकृत पूँजी २० करोडबाट बृद्धि गरी ४० करोड पुर्याउने, तत्काल जारी गर्ने शेयर पूँजी १० करोडबाट २० करोड पुर्याउने, संस्थापकहरुले चुक्ता गर्न कबुल गरेको पूँजी ७ करोडबाट बृद्धि गरी १४ करोड पुर्याउने प्रस्ताव पेश गरिने छ ।
साथै, हकप्रद शेयर जारी गर्ने र दुई वा दुई भन्दा बढी इजाजत प्राप्त संस्थाहरुबीच एक आपसमा गाभ्न वा गाभिने(मर्जर) तथा प्राप्ती(एक्वीजिशन) जस्ता विशेष प्रस्तावका रुपमा पेश गरिने जनाइएको छ ।
