नेपाल राष्ट्र बैंकको कार्यकारी निर्देशकमा नरेश शाक्य बढुवा भएका छन् । नेपाल राष्ट्र बैंकको जेठ ३१ गते बसेको बैठकले शाक्यलाई कार्यकारी निर्देशकमा बढुवा गरेको हो ।
व्यवस्थानपन संकायमा स्नातकोत्तर, जनप्रशासनमा स्नातकोत्तर र कानूनमा स्नातक समेत गरेका शाक्य यसअघि सोही विभागका कायम मुकायम कायकारी निर्देशक हुन् । उनी पछिल्लो समय राष्ट्र बैंकका वरिष्ठ निर्देशकको रुपमा समेत कार्य गर्दै आएका थिए ।
२०५४ मंसिर २२ गते नेपाल राष्ट्र बैंकको सेवामा प्रवेश गरेका उनी बैंकिङ कार्यालयभन्दा अघि जनकपुर कार्यालयमा थिए । त्यसअघि विकास बैंक सुपरीवेक्षण विभाग, जनशक्ति व्यवस्थापन विभाग, वित्त व्यवस्थापन विभाग, राष्ट्र बैंक पोखरा कार्यालय, राष्ट्रऋण विभाग र बैंकर्स प्रशिक्षण केन्द्रमा समेत काम गरेका थिए । उनीसँग थुप्रै बैंकिङ नलेज छन् ।
