बैंकिङ फाइनान्स एण्ड इन्स्योरेन्स इन्टिच्यूट अफ नेपाल (BFIN)र कोलम्बो प्लान स्टाफ कलेज (CPSC) बिच सोमबार आज सम्झौता भएको छ । नेपालको वित्तीय क्षेत्रका कर्मचारीहरुलाई क्षमता अभिबृद्धि गर्ने उद्देश्यले यी दुई संस्थाबीच सम्झौता भएको हो । उक्त सम्झौतामा पत्रमा विएफआइएनको तर्फबाट प्रबन्ध निर्देशक डा. विनोद आत्रेय र सीपिएससीको तर्फबाट महासचिव रामहरि लामिछानले सयुक्त रुपमा हस्ताक्षर गरे ।
बैंकिङ फाइनान्स एण्ड इन्स्योरेन्स इन्टिच्यूट अफ नेपाल र कोलम्बो प्लान स्टाफ कलेजको संयुक्त आयोजनामा यहि जून १७ बाट २१ सम्म फिलिपिन्सको मनिलामा संचालन हुन लागेको बैंक तथा वित्तीय संस्थाका संचालकहरुको लागि ५ दिने Executive Leadership Development Programको उद्घान समारोहमा उक्त समझदारी पत्रमा हस्ताक्षर भएको हो ।
यस सम्झौता पश्चात सीपिएससीका सदस्य राष्ट्रहरु लगायत एशिया प्यासिफिक राष्ट्रहरुमा समेत शैक्षिक कार्यक्रमहरुको आयोजना गर्न सकिने हुदाँ अनुभव तथा ज्ञान आर्जनमा महत्वपूर्ण भुमिका रहने छ ।
उक्त समझदारी पत्रमा दुई संस्थाबिचको समन्वयमा बिभिन्न तालीम, गोष्ठी तथा सेमिनारहरुको आयोजना गर्ने, बैंक तथा वित्तीय संस्थाका कर्मचारीहरुको ज्ञान विकासका लागि संयुक्त रुपमा मान्यता प्राप्त शिक्षण संस्थासँग आबद्ध भई ३ महिने, ६ महिने तथा १ बर्षे कार्यक्रमहरु संचालन गर्ने, सीपिएससीले निर्धारण गरे अनुसारको योग्यता पुगेका अधिकृतहरुलाई इन्र्टनशिपमा पठाउन सकिने लगायतका बिषयबस्तुहरु समाबेश गरिएका छन् ।
विएफआइएनको तर्फबाट प्रबन्धनिर्देशक डा. आत्रेयले उक्त समझदारीले नेपालको मानव संसाधन विकासको क्षेत्रमा उल्लेखनिय योगदान पुग्ने बिश्वास रहेको बताए ।
विएफआइएन इमर्जिङ्ग नेपाल लिमिटेड लगायत वाणिज्य बैंकहरु,विकास बैंकहरु, वित्त कम्पनीहरु, लघुवित्त संस्थाहरु र पूँजीबजारसँग सम्बन्धित संस्थाहरु गरी कुल १६ वटा संस्थाहरुको संयुक्त लगानीमा स्थापना भएको संस्था हो । यस संस्थाले स्थापना भएको छोटो समयमै ५० वटा राष्ट्रिय तथा७ वटा अन्र्तराष्ट्रिय स्तरमा तालीम र २ वटा गोष्ठी सम्पन्न गरिसकेको छ ।
सीपिएससी कोलम्बो प्लान अन्र्तगत सन् १९७३ बाट एशिया प्यासिफिक राष्ट्रहरुको प्राविधिक तथा व्यवसायिक शिक्षा प्रदान गर्दे आइरहेको संस्था हो । यस संस्थाले बिभिन्न बिषयहरुमा तालिम तथा परामर्श सेवा समेत प्रदान गर्दै आइरहेको छ ।
कार्यक्रममा नेपालका प्रतिष्ठित वाणिज्य बैंक, बिकास बैंक तथा लघुबित्त संस्थाका २५ जना संचालकहरुको उपस्थिती रहेको थियो ।
