काठमाडौं । अमेरिकी मध्यावधि चुनावको नतिजामा एलन मस्कको भूमिकाका विषयमा छलफल हुन थालेको छ।
ओपनसेक्रेट्सद्वारा गरिएको अमेरिकी चुनावी फन्डिङसम्बन्धी दस्तावेजको विश्लेषणअनुसार मस्कले रिपब्लिकन उम्मेदवार र रुढिवादी संस्थाहरुलाई समर्थन गर्न कम्तीमा ४५.५ करोड डलर खर्च गरेको खुलेको छ। यो चुनावमा एकल व्यक्तिले गरेको अहिलेसम्मकै सबैभन्दा ठूलो खर्च हो।
टेक्सासमा सिनेट चुनावका क्रममा मस्कले रिपब्लिकन उम्मेदवार केन प्याक्सटनलाई समर्थन गर्न २० करोड डलरभन्दा बढी खर्च गरे। यद्यपि, प्याक्सटन डेमोक्र्याटिक पार्टीका उम्मेदवार जेम्स तालारिकोसँग हारे।
केही वर्षअघि मस्कले आफ्नो निवास र आफ्ना केही व्यावसायिक हितहरु टेक्सास सारेका थिए।
आफ्नो विजय भाषणमा तालारिकोले समर्थकहरुलाई भने, ‘हामीले यस राज्य र देशका प्रत्येक अर्बपति दाता, प्रत्येक खर्बपति दाता र यस टुटेको राजनीतिक प्रणालीको रक्षा गर्ने प्रत्येक भ्रष्ट व्यक्तिलाई सन्देश पठाएका छौँः शक्ति जनताको हो।’
यसअघि सामाजिक सञ्जाल प्लेटफर्म एक्समा धेरै घन्टा मौन बसेपछि मस्कले पोस्ट गरे, ‘यसपटक मेरो चुनाव–हस्तक्षेप स्पेस लेजरहरुले काम गरेन जस्तो देखिन्छ।’ –एजेन्सी
