काठमाडौं । राष्ट्रपति रामचन्द्र पौडेल र कार्यवाहक प्रधानमन्त्रीको समेत कार्यभार सम्हालेका अर्थमन्त्री डा स्वर्णिम वाग्लेबीच शिष्टाचार भेट भएको छ।
राष्ट्रपति भवन शीतल निवासमा बुधबार बिहान राष्ट्रपति पौडेल र कार्यवाहक प्रधानमन्त्री वाग्लेबीच भेट भएको हो। भेटमा समसामयिक विषयमा छलफल भएको थियो।
प्रधानमन्त्री बालेन्द्र शाह संयुक्त राष्ट्रसंघको ८१ औँ महासभामा भाग लिन मंगलबार अमेरिका प्रस्थान गरेका थिए। त्यसअघि प्रधानमन्त्री शाहको सिफारिसमा राष्ट्रपति पौडेलले कार्यवाहक प्रधानमन्त्रीको कार्यभार अर्थमन्त्री वाग्लेलाई तोकेका थिए।
प्रधानमन्त्रीको सिफारिसमा रक्षा र परराष्ट्र मन्त्रालयको कार्यभार पनि वाग्लेलाई तोकिएको छ।
