काठमाडौं। नेपालको धितोपत्र बजारमा विगत ३ वर्षदेखि निरन्तर सेवा प्रदान गर्दै आइरहेको प्रतिष्ठित धितोपत्र व्यवसायी कम्पनी कलश स्टक मार्केट (ब्रोकर नं ७४) द्वारा आयोजित १० दिने विस्तृत “फन्डामेन्टल तथा टेक्निकल” अनलाइन शेयर शिक्षा/तालिम भव्य रूपमा सम्पन्न गरेको छ । भाद्र १२ गतेदेखि २१ गते सम्म साँझ ८ बजेदेखि ९ः३० सम्म अनलाइन जुम मार्फत कार्यक्रम सञ्चालन भएको थियो ।
बढ्दो सेयर बजारप्रति सर्वसाधारणको चासोलाई मध्यनजर गर्दै कम्पनीले पूर्ण रूपमा निःशुल्क उक्त कार्यक्रम सञ्चालन गरेको थियो । सो तालिममा स्वदेश तथा विदेशबाट समेत लगानीकर्ताहरूको अभूतपूर्व सहभागिता रहेको थियो । जुम प्रविधिमार्फत प्रत्यक्ष सञ्चालन गरिएको तालिममा दैनिक ९०० भन्दा बढीको संख्यामा उपस्थिति रहेको थियो ।
उक्त कार्यक्रम अवधिभर प्रशिक्षक रामहरी नेपालले सेयर बजारको आधारभूत पक्ष र प्राविधिक विश्लेषणका विविध आयामहरूलाई अत्यन्तै सरल र व्यावहारिक ढङ्गले प्रस्तुत गरेका थिए ।
तालिममा सेयर बजारमा भर्खरै प्रवेश गरेका देखि बजारमा लामो समय बिताइसकेका अनुभवी लगानीकर्ताहरूको समेत उत्साहजनक उपस्थिति थियो ।
सो कार्यक्रमको सहजीकरण कम्पनीका प्रमुख कार्यकारी अधिकृत शालिकराम अधिकारीले गरेका थिए । “ग्राहकहरूको सन्तुष्टि र उनीहरूलाई सही मार्गदर्शन प्रदान गर्नु नै हाम्रो मुख्य सम्पत्ति उनले भने, आगामी दिनमा पनि लगानीकर्ताको हित र साक्षरताका लागि यस्ता कार्यक्रमलाई निरन्तरता दिइनेछ ।”
बुद्धनगर–काठमाडौंमा रहेको मुख्य कार्यालय र बुटवलमा रहेको शाखा कार्यालयबाट समेत मार्जिन टे«डिङ सुविधा उपलब्ध गराएकोछ । अनलाईन मार्फत डिम्याट तथा टिएमएस खाता खोल्न सकिने सुविधा समेत उपलब्ध गराएको छ । कम्पनीले ग्राहकको चाहनाहरुलाई उच्च प्राथमिकतामा राखि प्रविधिमैत्री सेवामा जोड दिदै आएको छ ।
