काठमाडौं । राष्ट्रिय विपद जोखिम न्यूनीकरण तथा व्यवस्थापन प्राधिकरणले काठमाडाैंका खोलामा बाढीको संभावना रहेकाले नदी करिडरको बाटोमा अाउजाउ गर्दा सावधानी अपनाउन सचेत गराएको छ।
प्राधिकरणले बुधबार साँझ विज्ञप्ती जारी गर्दै बागमती, विष्णुमती, धोबिखोला, हनुमन्ते, मनोहरा लगायतका खोलाको बाढी बढीरहेको र बुधबार राति थप वर्षा हुने पूर्वानुमान रहेकोले नदी आसपास डुबान भइरहने ठाउँका बासिन्दा र करिडोर भई यात्रा गर्नु हुनेले बिहानसम्मै सतर्क रहन अनुरोध गरेको छ।
प्राधिकरणका अनुसार, आज राति कोशी, बागमती, गण्डकी र कर्णाली प्रदेशको पहाडी भूभागका एक-दुई स्थानमा भारी वर्षाको सम्भावना छ।
