काठमाडौं । अमेरिकाले आफ्ना लगभग ६० व्यापार साझेदार देशमा नयाँ ट्यारिफ लगाउने निर्णय गरेको छ। यसले ती देशले जबरजस्ती श्रम रोक्न पर्याप्त कदम चालेको छैन भन्ने दाबी गरेको छ।
१० देखि १२.५ प्रतिशतसम्मका यी ट्यारिफ भारत, बेलायत, चीन, युरोपेली संघ, क्यानडा र जापानलगायत प्रमुख अमेरिकी व्यापार साझेदार देशमा लागू हुनेछन्। यी ट्यारिफ शुक्रबारदेखि लागू हुनेछन्। यस वर्षको सुरुमा विदेशी सामानहरुमा लगाइएको अस्थायी १० प्रतिशत कर अब समाप्त हुँदैछ।
गत वर्ष डोनाल्ड ट्रम्पको पुनः निर्वाचनपछि सुरु भएको व्यापार युद्धमा यो पछिल्लो प्रमुख कदम मानिन्छ। यस वर्ष अमेरिकी सर्वोच्च अदालतले आपतकालीन शक्तिहरु प्रयोग गरेर विश्वभरका देशहरुमा लगाइएका धेरै ट्यारिफहरु कानुनी रुपमा मान्य नभएको फैसला सुनाएको थियो।
त्यसपछि राष्ट्रपति ट्रम्पले आफ्नो प्रमुख व्यापार नीति लागू गर्न अन्य कानुनी मार्गहरु अपनाउन थालेका थिए। गत महिना ह्वाइट हाउसले पहिलोपटक प्रस्ताव गरेको थियो कि जबरजस्ती श्रम रोक्न पर्याप्त काम नगरेको आरोप लागेका देशहरुबाट अमेरिका आउने सामानहरुमा १० देखि १२.५ प्रतिशत कर लग्नेछ। –एजेन्सी
