काठमाडौं । पश्चिम एसियामा भएको द्वन्द्वको प्रभाव विश्वव्यापी रुपमा महसुस भइरहेको छ। इरानसँग जोडिएको समुद्री मार्ग होर्मुज स्ट्रेट लगभग बन्द भएको छ। यो तनावले साउदी अरेबिया र यमनबीचको लालसागरमा ढुवानीलाई पनि असर गरेको छ।
पहिले युरोप र एसियाबाट जहाजहरु सुएज नहरमार्फत सिधै र छिटो गन्तव्यमा पुग्ने गर्थे। अब तिनीहरु यो मार्गलाई छाडेर अफ्रिकी महादेशको परिक्रमा गरेर लामो बाटो अपनाइरहेका छन्।
७०% कार्गो अब अफ्रिका हुँदै ढुवानी
- लाल सागरमा इरान समर्थक यमनी हुथी विद्रोहीहरुको डरका कारण ७०% कार्गो जहाज अब अफ्रिका हुँदै ढुवानी गरिरहेका छन्।
- केप अफ गुड होपहुँदै जाने जहाजको संख्या तीन वर्षमा तीन गुणा बढेको छ। यस वर्षको मार्च १ देखि अप्रिल २४ सम्म दैनिक २० जहाज आउजाउ गरे। जुन २०२३ मा केवल ६ थियो।
- पहिले १८ जहाज लालसागर र सुएज नहरबाट दैनिक गुज्रन्थे। तर, अहिले यो संख्या घटेर ५ पुगेको छ। यसले सुएज नहरमा निर्भर देशहरुलाई नोक्सान पुर्याइरहेको छ।
दुई हप्ता लाग्ने
- २१ दिनमा सुएज नहरहुँदै गन्तव्यहरुमा पुग्न प्रयोग हुने सामानहरु अब अफ्रिकाको केप अफ गुड होप हुँदै ट्रान्जिट गर्न ५० देखि ५५ दिन लाग्न सक्छ।
- इजिप्टले उल्लेखनीय नोक्सानी व्यहोरेको छ। सुएज नहरबाट गुज्रने जहाजहरुबाट प्राप्त हुने आम्दानी लगातार घट्दै गएको छ। सन् २०२३ को तुलनामा आम्दानी ६० प्रतिशतले घटेको छ।
तेलको लागत ५०%ले बढ्यो
- समयसँगै तेलको लागत ३०% देखि ५०% सम्म बढ्दै गएको छ।
- कार्गो आवागमनको निरन्तरता कायम राख्न १०–२०% थप जहाजहरु तैनाथ गरिँदैछ।
अफ्रिकी बन्दरगाहहरुको फाइदा
- मोरक्कोको ताघियार मेड पोर्टले सन् २०२५ मा १ करोड १० लाख कन्टेनर ह्यान्डल गर्यो। जुन अघिल्लो वर्षको तुलनामा ८.४ प्रतिशतले वृद्धि हो।
- साउदी अरेबियाको जेद्दाह बन्दरगाह नयाँ हबका रुपमा देखा परेको छ। जहाजहरुले जेद्दामा सामानहरु ल्याइरहेका छन्। जहाँबाट राजमार्गहरुमार्फत शारजाह, बहराइन र कुवेतमा ढुवानी गरिन्छ। –एजेन्सी
