काठमाडौं । इरान र अमेरिकाबीच दोस्रो चरणको वार्ताको अपेक्षा बढ्दै गएको छ। योसँगै मंगलबार कच्चा तेलको मूल्य घटेको छ।
अमेरिकी राष्ट्रपति डोनाल्ड ट्रम्पले इरानले सम्भावित सम्झौताका बारेमा अमेरिकालाई सम्पर्क गरेको बताएका छन्। त्यसपछि तेलको मूल्य घटेको हो।
अन्तर्राष्ट्रिय बजारमा ब्रेन्ट कच्चा तेलको मूल्य लगभग १ प्रतिशतले घटेर प्रतिब्यारेल ९८.४० डलरमा झरेको छ। जब कि अमेरिकामा व्यापार हुने तेलको भाउ १.७ प्रतिशतले घटेर ९७.४० डलरमा आएको छ।
ह्वाइट हाउसबाहिर सोमबार सञ्चारकर्मीहरुसँग कुरा गर्दै ट्रम्पले भने, ‘हामीलाई अर्को पक्ष (इरान) बाट फोन आएको छ। तिनीहरु सम्झौता गर्न चाहन्छन्।’
न्युयोर्क टाइम्समा प्रकाशित समाचारअनुसार इरानले ५ वर्षको युरेनियम सम्वर्द्धन स्थगन प्रस्ताव गरेको थियो। तर, अमेरिकाले त्यसलाई अस्वीकार गर्यो र २० वर्षको माग अघि सारेको थियो।
यद्यपि, इरानले यो पनि भन्यो कि छलफलले शान्ति सम्झौताको बाटो अझै खुला हुन सक्छ भन्ने संकेत गर्छ। दुई पक्षबीच दोस्रो चरणको वार्ता सम्भव छ। –एजेन्सी
