काठमाडौं । पाकिस्तानको शेयर बजारमा आज ठूलो गिरावट आएको छ।
ब्लुमबर्गका अनुसार कराँची स्टक एक्सचेन्जको केएसई–३० सूचकांक प्रारम्भिक कारोबारमा लगभग १० प्रतिशतले घट्यो। यो पाकिस्तानको शेयर बजारको इतिहासमै एकै दिनमा भएको सबैभन्दा ठूलो गिरावट हो। यो गिरावटका कारण एक घन्टाका लागि कारोबार रोकिएको थियो।
अघिल्लो सत्रमा सूचकांक १६८०६२.१७ अंकमा बन्द भएको थियो र आज प्रारम्भिक कारोबारमा १५२९१६.७७ अंकमा झरेको थियो। बिहान ११ः३५ बजे नेपाली समयअनुसार यो १५७६९०.९३ अंकमा कारोबार भइरहेको थियो। जुन १०३७१.२४ अंकले घटेको हो।
यसअघि शुक्रबार केएसई–१०० सूचकांक पनि लगभग २ प्रतिशतले घटेको थियो। यो गिरावट अफगानिस्तानसँगको सीमा झडपका कारण भएको थियो।
अमेरिका र इजरायलीले इरानमाथि गरेको आक्रमणपछि आज विश्वभरका शेयर बजारमा गिरावट आएको छ। –एजेन्सी
