काठमाडौं । बलेफी हाइड्रोपावरले सतप्रतिशत हकप्रद शेयर जारी गर्ने निर्णय गरेको छ। कम्पनी सञ्चालक समितिको मंगलबार बसेको बैठकले हाल कायम चुक्तापुँजीको १ः१ अनुपातमा हकप्रद शेयर जारी गर्ने निर्णय गरेको हो।
हाल कम्पनीको चुक्तापुँजी ३ अर्ब ६५ करोड ५९ लाख ४० हजार रुपैयाँ छ। सोहीबराबरको हकप्रद शेयर जारी गर्ने सञ्चालक समितिको निर्णय अब आगामी साधारणसभा पेस गरिने कम्पनीले जनाएको छ।
यो हकप्रद शेयरबाट उठेको रकम सुर्के दूधकोशी जलविद्युत आयोजनामा लगानी गरिने कम्पनीले जनाएको छ। यो जलविद्युत आयोजना १८८ मेगावाटको हो।
आयोजनाको विस्तृत परियोजना विवरण अध्ययन गर्दा लगानीका लागि उपयुक्त देखिएको कम्पनीले जनाएको छ।
