इन्स्योरेन्स खबर/काठमाडौंः यो साता नेपाल स्टक एक्सचेञ्जमा १८१ कम्पनीको २ अर्ब १९ लाख ९९ हजार रुपैयाँको बराबरको ४८ लाख १२ हजार ७७० कित्ता सेयर किनबेच भएका छन् । कारोबार रकम गतसाताको तुलनामा २७ दशमलव ७६ प्रतिशतले बढी हो । गतसाता नेप्सेमा १७६ कम्पनीको १ अर्ब ५६ करोड ७० लाख ४२ हजार रुपैयाको सेयर कारोबार भएको थियो ।
कारोबार रकम गतसाताको तुलनामा वृद्धि भएपनि नेप्से परिसुचक भने झरेको छ । पहिलो दिनको तुलनामा नेप्से सुचक ५ दशमलव १९ अंकले घटेर १ हजार ३ सय ४८ दशमलव ४५ को बिन्दुमा पुगेको छ ।
साताभरको कारोबारमा सबै समूह घटेका छन् । जसमध्ये होटल समूह सबैभन्दा बढी ३९ दशमलव ९१ अंकले घटेको छ । त्यस्तै बीमा समूह १८ दशमलव ४५ अंकले, जलविद्युत समूह १७ दशमलव ९ अंकले, उत्पादन तथा प्रशोधन समूह १७ दशमलव ८ अंकले, विकास बैंक १० दशमलव ०३ अंकले, फाइनान्स समूह ९ दशमलव ०८ अंकले, लघुवित्त ७ दशमलव १८ अंकले, बैंकिङ १ दशमलव ८ अंकले, व्यापार ५ दशमलव ८३ अंकले र अन्य समूह ५ दशमलव ९७ अंकले घटेका छन् ।
त्यस्तै क वर्गका कम्पनीहरुको कारोबार मापन गर्ने सेन्सेटिभ परिसुचक पहिलो दिनको तुलनामा शुन्य दशमलव ७९ अंकले घटेर २ सय ८४ दशमलव ५९ को बिन्दुमा पुगेको छ ।
बुटवल पावर कम्पनी सर्वाधिक कारोबार
साताभरको सेयर कारोबारमा सबैभन्दा बढी बुटवल पावर कम्पनीको सेयर किनबेच भएको छ । कम्पनीको १२ करोड ७३ लाख ४० हजार रुपैयाँको सेयर कारोबार भएको हो । त्यस्तै सिभिल बैंकको सबैभन्दा बढी कित्ता सेयर खरिदबिक्री भएका छन् । कम्पनीको ६ लाख ३८ हजार कित्ता सेयर कारोबार भएको छ ।
