काठमाडौं । दुईवटा कम्पनीले आइपीओ ल्याउने प्रक्रिया अगाडि बढाएका छन्। आरती पावर कम्पनी र मेवा डेभलपर्सले आइपीओ ल्याउने प्रक्रिया अगाडि बढाएका हुन्।
दुवै कम्पनीले नेपाल धितोपत्र बोर्डमा आइपीओ अनुमति माग्दै निवेदन दिएका छन्। धितोपत्र बोर्डले अनुमति दिएमा आरती पावरले १०० रुपैयाँ अंकित दरका कुल ३६ लाख कित्ता साधारण शेयर जारी गर्नेछ। यो आइपीओ बिक्रीबाट कम्पनीले ३६ करोड रुपैयाँ पुँजी जुटाउनेछ।
आरती पावरको आइपीओ बिक्री प्रबन्धकमा ग्लोबल आइएमई क्यापिटल रहेको छ।
यसैगरी धितोपत्र बोर्डको अनुमतिपछि मेवा डेभलपर्सले १०० रुपैयाँ अंकित दरका कुल १ करोड १२ लाख कित्ता अर्थात १ अर्ब १२ करोड रुपैयाँबराबरको आइपीओ ल्याउनेछ। यो कम्पनीको आइपीओ बिक्री प्रबन्धकमा हिमालयन क्यापिटल रहेको छ।
