काठमाडौं । नबिल बैंकले ३ अर्ब रुपैयाँबराबरको ऋणपत्र जारी गर्न नेपाल धितोपत्र बोर्ड (सेबोन)सँग अनुमति मागेको छ। बैंकले ऋणपत्र जारीको अनुमति माग्दै असार १४ गते धितोपत्र बोर्डमा निवेदन दिएको हो।
धितोपत्र बोर्डले अनुमति दिएमा नबिल बैंकले ‘नबिल डिबेन्चर–२०८९’ जारी गर्नेछ। बैंकले १ हजार रुपैयाँ अंकित दरका कुल ३० लाख इकाइ ऋणपत्र जारी गर्नेछ। कुल इकाइमध्ये १८ लाख इकाइ व्यक्तिगत तबरबाट र बाँकी १२ लाख इकाइ सर्वासाधारणका लागि जारी गरिनेछ।
नबिलको यो ऋणपत्र ८ वर्षे अवधिको हो। यसमा लगानीकर्ताले वार्षिक ८ प्रतिशत ब्याज पाउनेछन्।
नबिलको ऋणपत्र बिक्री प्रबन्धकमा नेपाल एसबीआई मर्चेन्ट बैंकिङ रहेको छ।
