काठमाडौं । साताको अन्तिम कारोबार दिन बिहीबार शेयर बजार दोहोरो अंकले घटेको छ। नेप्से परिसूचक आज १९.८९ अंकले घटेर २०६९.५३ को विन्दुमा झरेको हो।
बजार घट्दा नेप्से उपसमूहमा रहेका १३ वटा समूहमध्ये ३ वटामात्रै उकालो लागेको छ भने बाँकी १० वटा ओरालो लागेको छ। आज उत्पादन तथा प्रशोधन समूह सर्वाधिक १.२३ प्रतिशतले बढेको छ भने होटेल तथा पर्यटन समूह सर्वाधिक २.५३ प्रतिशतले घटेको छ।
बजार घट्दा ७० कम्पनीको शेयरभाउमात्रै बढेको छ। १७३ कम्पनीको शेयरभाउ घट्दा ४ वटाको स्थिर रहेको छ।
बजारमा आज ४ अर्ब २१ करोड ७४ लाख रुपैयाँ बढीको कारोबार भएको छ। यो दिन नेपाल फाइनान्सको सर्वाधिक कारोबार भएको छ।
घटेको बजारमा आज ५ वटा कम्पनीको शेयरभाउमा सकारात्मक सर्किट लागेको छ। आज नेपाल फाइनान्स, अप्पर लोहोरे खोला हाइड्रोपावर र भगवती हाइड्रोपावरको शेयरभाउमा १० प्रतिशत र मनकामना इन्जिनियरिङ हाइड्रोपाव र युनिलिभर नेपालको शेयरभाउमा १० प्रतिशतको हाराहारीको बढोत्तरीका साथ पोजिटिभ सर्किट लागेको छ।
आज पोखरा फाइनान्सका शेयरधनीहरुले सर्वाधिक गुमाए। यो कम्पनीको शेयरभाउमा १० प्रतिशतको गिरावटका साथ नकारात्मक सर्किट लागेको छ।
