काठमाडौं । आर्थिक वर्ष २०८१।८२ को बजेट सार्वजनिकपछिको पहिलो कारोबारमा शेयर बजार दोहोरो अंकले ओरालो लागेको छ। नेप्से परिसूचक २३.८१ अंकले घटेर २०८९.४२ को विन्दुमा झरेको छ।
घटेको बजारमा ५६ कम्पनीको मात्रै शेयरभाउ बढेको छ भने १९१ कम्पनीको बढेको छ। यो दिन नेप्सेमा रहेका १३ वटा उपसमूहमध्ये ४ वटामात्रै बढेको छ भने ८ वटा घटेको छ। एउटा समूह स्थिर रहेको छ।
आज बजारमा ३१४ कम्पनीका १ करोड ७ लाख ३८ हजार १६९ कित्ता शेयर ४ अर्ब ५७ करोड ५० लाख ६३ हजार २७४ रुपैयाँमा किनबेच भएका छन्। यो दिन पोखरा फाइनान्सको सर्वाधिक कारोबार भएको छ।
आज उच्च कारोबार भएका १० कम्पनी
- पोखरा फाइनान्सः १९ करोड ५२ लाख रुपैयाँ
- सीईडीबी हाइड्रोपावरः १९ करोड २७ लाख रुपैयाँ
- सर्वोत्तम सिमेन्टः १४ करोड १० लाख रुपैयाँ
- एनआरएन इन्फ्रास्ट्रक्चरः १० करोड २८ लाख रुपैयाँ
- हाथवे इन्भेस्टमेन्टः १० करोड ३ लाख रुपैयाँ
- शिवम सिमेन्टः ८ करोड ३० लाख रुपैयाँ
- नेपाल वेयरहाउजिङः ७ करोड ५४ लाख रुपैयाँ
- मुक्तिनाथ कृषि कम्पनीः ७ करोड ४२ लाख रुपैयाँ
- सोनापुर मिनरल्सः ७ करोड १३ लाख रुपैयाँ
- ग्लोबल आइएमई लघुवित्तः ७ करोड १२ लाख रुपैयाँ
