काठमाडौं । विद्यालयहरुमा सञ्चालन भइरहेको दिवा खाजा कार्यक्रमका लागि सरकारले बजेट बढाएको छ । आगामी आर्थिक वर्षको आय व्ययको अनुमानित विवरण सार्वजनिक गर्दै अर्थमन्त्री वर्षमान पुनले दिवा खाजा कार्यक्रमका लागि ८ अर्ब ३९ करोड बजेट विनियोजन गरेको बताएका छन् ।
विद्यालय तहमा सञ्चालनमा रहेको दिवा खाजा कार्यक्रमका लागि उक्त बजेट विनियोजित गरेको हो । प्रारम्भिक कक्षादेखि कक्षा ५ सम्मका ३० लाख बालबालिका लागि दिवा खाजा कार्यक्रमबाट लाभान्वित हुने सरकारको विश्वास छ ।
