काठमाडौं । नेपालमा पनि कोरोनाको नयाँ भेरियन्ट केपी पुष्टि भएको छ।
राष्ट्रिय जनस्वास्थ्य प्रयोगशालाका अनुसार पछिल्लो समय सिंगापुरलगायतका केही देशमा देखिएको केपी भेरियन्ट नेपालमा पनि देखिएको हो।
गएको दुई महिनायता देशभर गरिएको परीक्षणमा ४२ जनामा कोरोना संक्रमण देखिएको प्रयोगशालाले जनाएको छ। नमुनाको जिन सिक्वेन्सिङ गर्दा तीमध्ये १२ जनामा ओमिक्रोन भेरियन्टको सबभेरियन्ट केपी.१ र १७ जनामा केपी.२ पुष्टि भएको छ।
यसैगरी १–१ जनामा केपी.३ र केपी.४ भेरियन्ट देखिएको प्रयोगशालाले जनाएको छ।
