काठमाडौं । आज पनि शेयर बजार बढेर बन्द भएको छ । आज शेयर बजार नेप्से परिसूचक २८ दशलमव ६२ अंकले बढेर २,०२७ को विन्दुमा कायम भएको छ । आज २१९ कम्पनीको शेयर मूल्य बढ्दा २२ कम्पनीको मात्रै शेयर मूल्य घटेको छ ।
आज दिनभरिमा ३२० कम्पनीको ९८ लाख ५५ हजार २८५ कित्ता शेयर किनबेच हुँदा ४ अर्ब ८ करोड ८८ लाख रुपैयाँको शेयर कारोबार भएको छ । आज सबैभन्दा धेरै सिइडिबी हाइड्रोपावर कम्पनीको सर्वाधिक कारोबार भएको छ । आज यस कम्पनीको १५ करोड ८१ लाख रुपैयाँको शेयर कारोबार भएको छ । शाइन रेसुङगा डेभलपमेन्ट बैंकको ११ करोड ६१ लाख रुपैयाँको शेयर कारोबार भएको छ । आरएसडिसी लघुवित्तको ७ करोड ९५ लाख रुपैयाँको शेयर कारोबार भएको छ ।
आज सबैभन्दा धेरै समाज लघुवित्त वित्तीय संस्था, उपकार लघुवित्त, यूनिक नेपाल लघुवित्तका लगानीकर्ताले सर्वाधिक कमाएका छन् । आज यी ३ लघुवित्तका लगानीकर्ताले १० प्रतिशतका दरले कमाएका छन् । जनउत्थान लघुवित्त वित्तीय संस्थाका लगानीकर्ताले ९ दशलमव ९९ प्रतिशतका दरले कमाएका छन् । मानुषि लघुवित्तका लगानीकर्ताले ९ दशलमव ९८ प्रतिशतका दरले कमाएका छन् ।
आज सबैभन्दा धेरै हिमालयन उर्जा विकास कम्पनीका लगानीकर्ताले गुमाएका छन् । आज यस कम्पनीका लगानीकर्ताले ४ दशलमव ६४ प्रतिशतका दरले कमाएका छन् ।
