काठमाडौं । वैदेशिक रोजगार विभागले बैंकहरुको मुद्दति निक्षेपमा साढे ३ अर्ब रुपैयाँ लगानी गर्ने भएको छ। विभागले आज एक सूचना जारी गर्दै ३ अर्ब ५३ करोड रुपैयाँ वाणिज्य बैंकहरुको मुद्दति निक्षेपमा लगानी गर्ने जानकारी गराएको छ।
विभागले यसअघि धरौटीबापतको उक्त रकम वाणिज्य बैंकहरुमा १ वर्षका लागि मुद्दति निक्षेपका रुपमा राखेको थियो। यो मुद्दति निक्षेपको परिपक्व अवधि २०८१ वैशाख ५ गतेबाट सकिँदैछ।
विभागले सोही रकम पुनः १ वर्षका लागि वाणिज्य बैंकहरुका राख्न लागेको हो। यसका लाग लिन चाहेको रकम र ब्याजदर प्रस्ताव गरी विभागको वेबसाइटबाट दरभाउ फराम डाउन लोड गरी यही चैत २६ गते दिउँसो ३ बजेभित्र विभागको आर्थिक प्रशासन शाखामा पेस गर्न सूचनामा आग्रह गरिएको छ।
