काठमाडौं । तेह्रथुम पावर कम्पनीले हकप्रद शेयर ल्याउन अनुमति माग्दै नेपाल धितोपत्र बोर्डमा निवेदन दिएको छ।
तेह्रथुम पावरले चैत ७ गते निवेदन दिँदै धितोपत्र बोर्डसँग हकप्रद शेयर ल्याउन अनुमति मागेको हो। धितोपत्र बोर्डले अनुमति दिएमा यो कम्पनीले चुक्तापुँजीको १ः१ अनुपातमा अर्थात २५ प्रतिशत हकप्रद शेयर ल्याउनेछ।
कम्पनीले ४० करोड रुपैयाँबराबरको हकप्रद ल्याउनेछ। जसअनुसार कम्पनीले १०० रुपैयाँ अंकित दरका कुल ४० लाख कित्ता हकप्रद शेयर आफ्ना शेयरधनीहरुलाई बिक्री गर्नेछ।
हकप्रद शेयर बिक्रीपछि कम्पनीको चुक्तापुँजी ८० करोड रुपैयाँ पुग्नेछ।
