काठमाडौं । सुन तस्करी प्रकरणमा मुछिएका नेकपा माओवादी केन्द्रका उपाध्यक्ष कृष्णबहादुर महरा पक्राउ परेका छन्।
महरा रुपन्देहीको भैरहवाबाट पक्राउ परेका हुन्। उनलाई आजै काठमाडौं ल्याउन लागिएको प्रहरीले जनाएको छ। उनी रोल्पा जाँदै थिए।
सुन तस्करी प्रकरणमा छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेको थियो। उपप्रधान एवं गृहमन्त्री रवि लामिछानेले आइतबार महतलाई तत्काल कारबाहीको दायरामा ल्याउन प्रहरीलाई निर्देशन दिएका थिए।
महका छोरा राहुल महरा विद्युतीय चुरोट (भेप) मार्फत भएको सुन तस्करी प्रकरणमा पुर्पक्षका लागि थुनामा छन्। उनीविरुद्ध संगठित तस्करी गरेको आरोप लागेको छ।
