काठमाडौं । माथिल्लो मैलुङ खोला जलविद्युतको साधारण शेयरको लकइन अवधि २०८१ वैशाख २ गते सकिने भएको छ।
कम्पनीले आज एक सूचना जारी गर्दै लकइन अवधि सकिनेबारे जानकारी गराएको हो। कम्पनीले निष्कासन गरेको आइपीओ २०८० कात्तिक ३ गते बाँडफाँट गरिएको थियो। यो आइपीओमा सर्वसाधारणलाई छुट्याइएकोमध्येबाट सामूहिक लगानी कोषलाई सुरक्षित गरिएको ५ प्रतिशतले हुन आउने ७५ हजार कित्ताको लकइन अवधि आउँदो वैशाख २ गते सकिने कम्पनीले जानकारी गराएको हो।
धितोपत्र बोर्डको गत मंसिर २५ गतेको निर्देशनबमोजिम लकइन अवधि सकिने मितिबारे शेयरधनी, नियमनकारी निकाय र सबै सरोकारावालाई जानकारी गराउन यो सूचना जारी गरिएको कम्पनीले स्पष्ट पारेको छ।
