काठमाडौं । मितेरी डेभलपमेन्ट बैंकको सवा ३ लाख कित्ता शेयर बिक्रीमा राखिएको छ। बैंकको संस्थापक समूहको ३ लाख २५ हजार कित्ता शेयर बिक्रीमा राखिएको हो।
बिक्रीमा राखिएको शेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। शेयर खरिदका लागि ३५ दिनभित्र आवेदन दिनुपर्नेछ।
इच्छुक संस्थापक शेयरधनीहरुले आवश्यक कागजात प्रमाण संलग्न गरी आफूले लिन चाहेको कित्ता संख्या खुलाई सुनसरीको धरानस्थित बैंकको केन्द्रीय कार्यालयमा वा शेयर रजिस्ट्रार प्रभु क्यापिटलको काठमाडौंको कमलादीस्थित कार्यालयमा आवेदन पेस गर्न सक्नेछन्। तोकिएको अवधिभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई बिक्री खुला गरिने बैंकले जनाएको छ।
