काठमाडौं । धितोपत्र ब्रोकर एसोसिएसन नेपालको प्रथम वार्षिक साधारणसभाबाट नयाँ कार्यसमिति सर्वसम्म चयन भएको छ। आज सम्पन्न साधारणसभाबाट सागर ढकालको अध्यक्षतामा नयाँ कार्यसमिति चयन भएको हो।
एसोसिएसनको वरिष्ठ उपाध्यक्षमा अमृत तुलाधर, उपाध्यक्षमा अतिथलाल श्रेष्ठ र महासचिवमा कृष्ण गिरी चयन भएका छन्। कोषाध्यक्षमा भने सुमनकुमार मल्ल निर्वाचित भएका छन्।
कार्यसमिति १३ सदस्यीय रहेको छ। जसमा ५ जना पदाधिकारी छन् भने बाँकी ८ जना सदस्य छन्।
सदस्यमा हरिप्रसाद वाग्ले, सन्दीपविक्रम राणा, भीमसेन गिरी, रजनिश ठाकुर, प्रोसनकुमार साह, विष्णुकुमार गिरी, संगीता तिमिल्सिना र महेश खनाल छन्।
