काठमाडौं । शेयर बजार मंगलबार भारी अंकले ओरालो लागेको छ। नयाँ सत्ता समीकरण बनेसँगै सोमबार शेयर बजारमा हरियाली छाएको थियो। तर, आज शेयर बजारमा रातो पोतिएको छ।
नेप्से परिसूचक आज ७०.३१ अंकले घटेको छ। योसँगै नेप्से २००७.६९ को विन्दुमा बन्द भएको छ।
बजार घट्दा ३३ कम्पनीको शेयरभाउमात्रै बढेको छ भने २१३ कम्पनीको शेयरभाउ घटेको छ। यो दिन २ वटा कम्पनीको शेयरभाउ स्थिर रहेको छ।
घटेको बजारमा आज ४ अर्ब ११ करोड ३६ लाख रुपैयाँ बढीको कारोबार भएको छ। सर्वाधिक कारोबार शीर्ष १० कम्पनीको सूचीमा सोनापुर मिनरल्स अग्रस्थानमा रहेको छ।
आज उच्च कारोबार भएका १० कम्पनी
- सोनपुर मिनरल्सः ४१ करोड ९१ लाख रुपैयाँ
- शिवम सिमेन्टः २४ करोड ६५ लाख रुपैयाँ
- घोराही सिमेन्टः १४ करोड ३१ लाख रुपैयाँ
- जोशी हाइड्रोपावरः १३ करोड १९ लाख रुपैयाँ
- हिमालयन रिइन्स्योरेन्सः १२ करोड ८१ लाख रुपैयाँ
- मोलुङ हाइड्रोपावरः ९ करोड ३५ लाख रुपैयाँ
- ङादी ग्रुप पावरः ८ करोड ७३ लाख रुपैयाँ
- हिमालयन डिस्टिलरीः ८ करोड २६ लाख रुपैयाँ
- एनआरएन इन्फ्रास्ट्रक्चरः ७ करोड ६९ लाख रुपैयाँ
- हाथवे इन्भेस्टमेन्टः ६ करोड ३८ लाख रुपैयाँ
