काठमाडौं । आज मंगलबार सुनको भाउ हालसम्मकै उच्च विन्दुमा पुगेको छ । आज एकैदिन सुन तोलामा २ हजार रुपैयाँले बढेको छ । गत सोमबार प्रतितोला १ लाख २१ हजार रुपैयाँमा कारोबार भएको छापावाला सुन आज २ हजार रुपैयाँले बढेर छापावाला सुन तोलामा १ लाख २३ हजार रुपैयाँ कारोबार भइरहेको छ । गत पुस १२ गते छालावाला सुन प्रतितोला १ लाख २२ हजार रुपैयाँ पुगेको थियो । तेजावी सुन भने १ लाख २१ हजार ४ सय रुपैयाँमा पुगेको थियो । यो नै हालसम्मको उच्च भाउ थियो । जुन आज रेकर्ड तोडिएको छ ।
त्यस्तै आज तेजावी सुन तोलामा १ लाख २२ हजार ४ सय रुपैयाँमा कारोबार भइरहेको छ । चाँदीको मूल्य आज ३५ रुपैयाँले बढेर प्रतितोला १ हजार १४ सय ४५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
